«Симĕс ĕççи» хире чĕнет Нумаях пулмасть эпир «Санкинский»ТЯХП нумай çул ỹсекен курăксен лаптăкĕнче пултăмăр. Кунта техника кĕрлевĕ тăрать – механизаторсем çу каçипе çитĕннĕ курăка çулса пухаççĕ. Сăмах май, хуçалăхăн кăçал 544 гектар çинчен нумай çул ỹсекен курăксем пуçтарса илмелле. Паянхи пурĕ 584 тĕркем тунă, ку вăл 450 тонна симĕс массăпа танлăшать. - Тепĕр çĕр тĕркемĕ яхăн хатĕрлесшĕн, - теççĕ механизатăрсем.- Урăхла каласан 75 тонна таран. Механизатăрсем ĕç çине чăннипех те пысăк яваплăхпа пăхаççĕ. Курăк çулма чи малтанах Ю. Александровпа С.Филиппов косилкăсемпе тухнă. Г. Токарев вара симĕс массăна преспа тĕркемлет. Ĕç конвейер меслечĕпе пулса пырать. Пĕр техника та ахаль тăмасть. А.Нагаров тĕркемсене автомашинăсем çине тиесе тăрать. Вĕсем вара уйран фермăна çул тытаççĕ. Хуçалăх ку таранччен траншейăна 200 тонна сенаж хывса хăварнă. 50 тонна яхăн утă хатĕрленĕ. Хĕрỹ ĕç малалла пырать. Кашни механизатăрпа ял ĕçченĕн паянхи тĕплевĕ – выльăх апачĕ хатĕрлессине хăвăрт, пахалăхлă вĕçлесси.