И.Я.Яковлева халалланă
Ачасемпе çамрăксене ăс-тăн, шухăш-кăмăл тата патриотизм тĕлĕшĕнчен воспитани парас, вĕсен историпе, культурăпа тата тăван чĕлхепе интересленес туйăмне аталантарас тĕллевпе районти тĕп библиотекăра Хĕрлĕ Чутайри вăтам шкулта вĕренекенсем хутшăннипе пултарулăх викторини иртнĕ. Ăна чăвашсене çутта кăларнă И.Я.Яковлев 160 çул тултарнине халалланă.
Викторинăна виçĕ пая уйăрнă. Ачасем блиц-ыйтусене тата тишкерÿ ыйтăвĕсене хуравланă. “Пурнăçри манăн тĕрек” (И.Я.Яковлев чăваш халăхне халаллани) пултарулăх эссе вара вĕренекенсемшĕн килти ĕç пулать.