ЗАГС органĕсем иртнĕ çулăн кăтартăвĕсене пĕтĕмлетрĕç. Вĕсем 2007 çулта районта 182 ача çуралнине регистрациленĕ, республикăра ку кăтарту 14949-па танлашать. 2006 çулта вара районта 164 ача çуралнă, пĕлтĕрхипе танлаштарсан 18 ача сахалрах. Çавăн пекех ЗАГС ĕçченĕсем ача ятне хурасси пирки те пĕтĕмлетÿ тунă. Районта арçын ача ятне хурассипе Максим çĕнтерсе пырать. Иртнĕ çул Максим 13 пулнă. Республикăра та малтисенчен Максим, пурĕ – 442-ĕн. Ун хыççăн районта та республикăри пекех Даниил (районта – 10, республикăра – 401). Унтан районта Дмитрий (7), республикăра – 401 Кирилл, 395 Дмитрий, 355 Саша, 344 Никита. Хĕр ачасенчен районта иртнĕ çулта 7 Анна çуралнă. Ун хыççăн 6 Виктория, 5 Валерия пыраççĕ. Республикăра вара Настя çĕнтерсе пырать, пурĕ – 568, унтан Дарья ят хуракансем – 473, 414 – Виктория, 385 – Анна, 322 – Екатерина, 304 – Ксения, 297 – Мария. Сайра-хутра çеç тĕл пулакан ятсем: Борис, Руслан, Егор, Джульетта, Алексина, Калерия.