Район Кубокĕшĕн кĕрешсе
Çамрăксем хушшинче сывă пурнăç йĕркине пропагандăлас енĕпе физкультурăпа спорт мероприятийĕсем чылай йĕркелеççĕ.
Иртнĕ канмалли кунсенче шахматла выляссипе район Кубокне çĕнсе илессишĕн пысăк ăмăрту иртнĕ. Хĕрÿ тупăшура Евгений Сергеев (спорт шкулĕн тренерĕ) пурне те парăнтарса чемпион ятне тивĕçнĕ. Иккĕмĕш вырăна Хĕрлĕ Чутай шкулĕн вĕренекенĕ Константин Коршунов çĕнсе илнĕ, виççĕмĕш – Владимир Храмов (тĕп больницăн тренерĕ).
Шашкăлла выляссипе районта мала тухассишĕн турнир иртнĕ. Хĕр ачасен ушкăнĕнче Лариса Башкирова (Хĕрлĕ Чутай шкулĕ) пултаруллăрах пулнă, арçын ачасенчен – Федор Железнов (Питĕркасси шкулĕ).