«Кĕнеке хули» курав йĕркелерĕ, вулавçăсемпе Чăваш Ен тата вырăнти паллă çыравçăсем çинчен калаçу ирттерчĕ, чи нумай кĕнеке вулакансене палăртрĕ, парнесемпе хавхалантарчĕ. Вăл декабрĕн 10-14-мĕшĕсенче иртрĕ. Фестивале ытларах шкулта вĕренекенсем хутшăнчĕç. Çак хушăра ачасем компьютер урлă электронлă кĕнекесен, журналсен пуххисемпе паллашрĕç, тупмалли юмахсен конкурсне хутшăнчĕç, «Кĕнеке – пĕлÿ çăл куçĕ» тема тавра калаçрĕç. Вулавçăсем «Манăн чи юратнă кĕнеке» çинчен каласа пачĕç. Фестивалĕн юлашки кунĕнче Любовь Андреевна чи нумай кĕнеке вулакансене асăнмалăх çĕнĕ кĕнекесем парнелерĕ. Çĕнтерÿçĕсем: Светланапа Кристина Волковасем, Т.Борисова, М.Пигильдина, Ф.Тихонов, А.Ярулкина тата ыттисем.