Тĕл пулăва Çĕн Атикассинче 11-мĕш класра вĕренекен Лариса Петрова та хутшăннă. Çĕнĕ кĕнекере унăн хăш-пĕр сăввисем пичетленнĕ-çке. Сăмах май, Лариса хăй шăрçаланă сăвăсемпе республикăри çамрăк çыравçăсен конкурсĕсене пĕрре мар хутшăннă. Чăваш поэчĕсем çамрăк хĕрĕн сăвă çырас пултарулăхне асăрханă, ăна малалла та литература ăсталăхне ÿстерсе пыма сĕннĕ. Паянхи кун тĕлне çамрăк хĕр 188 сăвă çырнă.

Презентацире Чăваш Писателĕсен правленийĕн пуçлăхĕ В.Туркай Ларисăн çĕнĕ хайлавĕсене тулли кăмăлпа вуланă, çамрăк хĕрĕн малашлăхĕ пысăк пулнине палăртнă.

Юлашкинчен литература конкурсĕсенче çĕнтернĕ çамрăк хайлавçăсене хавхалантару парнипе – “Çĕнĕ ятсем уçатпăр” кĕнеке парса чысланă.