Вăл ноябрĕн 5-мĕшĕнчен пуçласа ноябрĕн 11-мĕшĕччен 8-14 сехетсенче ĕçлерĕ. Лагерьте «Пĕчĕк ангелсем» тата «Туслăх» отрядсенче пурĕ 30 ача сывлăхне çирĕплетрĕ. Эпир пурте кун йĕркине çирĕп пăхăнса пытăмăр. Пире кашни кун 2 хутчен вĕри апат çитерчĕç. Меню пылак çимĕçсемпе те, улма-çырлапа та пуян пулчĕ. Шкул поварĕсем Е.В.Блохинапа Э.А.Журавлева тата Г.М.Сидорова завхоз пире тутлă та техĕмлĕ апат çитерес тесе нумай вăй хучĕç.

Пирĕн канăва интереслĕ те усăллă ирттерес тесе лагерь начальникĕ Л.Л.Долгова тата Л.А.Анчикова, Л.В.Москалева, Н.А. Михатайкин педагог-воспитательсем питĕ тăрăшрĕç. Лагерь планĕпе килĕшÿллĕн вĕсем тĕрлĕ культурăллă мероприяти ирттерчĕç: «Угадай мелодию», «Крестики-Нолики», «Минута славы»... «Сывлăх «пуйăсĕпе» çул çÿреве те кайса килтĕмĕр. Ю.Н.Ельмов физкультура учителĕ ертсе пынипе спорт вăййисем ирттертĕмĕр. Пурте пĕрле хаваспах ялти тĕслĕх библиотекине мультфильмсем курма çÿрерĕмĕр, пĕчĕк концертсем лартрăмăр, ÿкертĕмĕр, вăйăсем вылярăмăр, кĕнекесем вуларăмăр.

Лагерьте ирттернĕ кунсемпе эпир питĕ кăмăллă. Вĕсем пирĕн асра нумайлăха юлĕç