Шалти ĕçсен пайĕнче преступниксене е айăпа кĕнисене вăхăтлăх тытса усрамалли изолятор пур. Унти граждансене хуралланă çĕрте 6 сотрудник вăй хурать. В.Жуковпа В.Макаров та çав ушкăнра. Сăмах май, Валерий Андреевич Макаров районти шалти ĕçсен пайĕнче 23 çул ĕçлет. Юлашки çулсенче вăл конвой службин командирĕ пулса тимлет. Милицин аслă прапорщикĕ хăйĕн ĕçĕпе кăмăллă, коллективра хисепре.

Владимир Васильевич Жуков пирки те ĕçтешĕсем ыррине çеç калаççĕ. Вăл йĕркелĕхе сыхлас ĕçре 22 çул тăрăшать, обществăлла мероприятисене активлă хутшăнать. Çирĕп вăй-халлă, вăйпитти арçын çынпа калаçма ÿркенмест, шаннă ĕçе тÿрĕ кăмăлпа пурнăçлать.

Йĕрке хуралĕнче çавăн пек маттурсем ĕçленипе мухтанатпăр.