Октябрĕн 27-мĕшĕнче пирĕн шкулта кĕрхи кунсене халалласа утренник иртрĕ.

Палăртнă вăхăта шкула атте-аннесем, пиччесем, аппасем пухăнчĕç. Икĕ командăна йĕркелентĕмĕр: “Морковки”, “Осенняя фея”. Командăсем хушшинче чылай ăмăрту иртрĕ, интереслĕ вăйăсем, сăвăсем, юрăсем, задачăсем, кулăшсем пулчĕç.

Подиум çине ачасем кĕрхи тумсемпе тухса тăрсан, залри хăнасем те шăпланчĕç.

Ачасем амăшĕсем пулăшнипе хатĕрленĕ салатсене, апат-çимĕçе тутанса пăхсан жюри тĕлĕнмеллипех тĕлĕнчĕ. Уйрăмах Владик Морозовăн амăшĕн, Алла Владимировнан, банан кукăлĕ пурин кăмăлне те кайрĕ. Уява ертсе пыракан вĕрентекен Е.А.Петрова кĕрхи балăн королевине чĕнсе илсен, куракансем ура çине тăрсах тăвăллăн алă çупрĕç. Уява, чăн та, тĕп сăнарсем килнĕнех туйăнчĕ.”Морковки” команда – 46 очко, “Кĕрхи фея” 42 очко пухрĕç. Çĕнтерÿçĕ командăна жюри председателĕ Р.З.Иванова Дипломпа наградăларĕ.

Кĕрхи уявăн спонсорĕ “Авангард” ООО директорĕ Л.А.Охтеркина пулчĕ. Вăл ачасене тутлă премĕксемпе, канфетсемпе тата ытти парнесемпе хавхалантарчĕ.

Чăн та, уяв ачасен кăмăлне кайрĕ. Шкулта яланах çакнашкал уявсем пулччăр. Вулакансене пирĕн шкула хăнана чĕнетпĕр.