Н.В.Федоров Тумликасси ялне ытти ялпа çыхăнтаракан автоçула уçма тата районти Ял хуçалăх ĕçченĕсен уявне хутшăннисĕр пуçне, “Гидравлика” предприяти территорийĕнче (малтанхи “Сельхозтехника”) вырнаçнă “Конкорд Ç” ТЯО-на та çитсе курчĕ. Унта казеин тирпейлесе продукцие ют çĕршыва ăсатас енĕпе ĕçлекен цеха савăнăçлă лару-тăрура уçрĕ. Республика пуçлăхĕ предприятин вырăнти хуçалăхсемпе тачă çыхăну тытмалли çинчен каларĕ, çакă вĕсене сăвакан ĕнесен шутне ÿстерме хавхалантарĕ.