Иртнĕ эрне кун Питĕркассинчи пĕтĕмĕшле пĕлÿ паракан вăтам шкулта вĕренекенсемшĕн савăнăçлă кун пулчĕ. Вĕсем кĕр уявне паллă турĕç. Манăн та унта пулма тÿр килчĕ.

Уява шкул директорĕ А.М.Ейков  уçрĕ. Бала 9-мĕш класра вĕренекен Алина Крикова ертсе пычĕ. Конкурссене “Грибочки” (11 кл.), “Осенние листочки” (10 кл.) тата “Лисята” (9 кл) командăсем хутшăнчĕç. Кам хитререх ташлать, кам çивĕчрех пуç ватмăш пуçтарать, кам пуринчен те малтан пан улми çисе ярать, кам хăвăртрах улма-çырлана пуçтарса пĕтерет тата ытти нумай кăсăк конкурс пулчĕ. Курма килнĕ хăнасемпе те конкурс пулнине палăртмалла. Жюри çивĕч те вăйлă командăсем хушшинче чи маттуррине, “Осенние листочки” командăна суйларĕ. Шкул ачисем, уява килнĕ хăнасем балра нумай савăнчĕç, ташларĕç, юрларĕç. Уяв пурне те килĕшрĕ.