Иртнĕ канмалли кун районти çамрăк спортсменсем (тренерĕ Л.Михуткина) Çĕмĕрле хулинче иртнĕ  В.Кириллова халалланă республикăри çăмăл атлетсен 8-мĕш кросне хутшăннă. Хĕрлĕ Чутайри вăтам шкулта вĕренекенсем, 1995-1996 çулсенчисем, 500 метрлă дистанцире ăмăртнă. Мĕн пур районтан килнĕ çак ушкăнри 47 спортсменран И.Федоров республикăра 2-мĕш вырăна çĕнсе илнĕ, М.Ефремов - тăваттăмĕш, К.Ярайкин - вуннăмĕш. Л.Михуткина спорт ветеранĕсен ушкăнĕнче тупăшнă, иккĕмĕш вырăна тивĕçнĕ.

Спортсменсене ăмăртăва кайса килме О.Ефремова предприниматель спонсорла пулăшу панă.