Пур çĕрте те çĕнĕ технологи  вăй илсе пынă май, ял хуçалăхĕсем те вырăнти ĕçсене çĕнĕлле йĕркелесе пыраççĕ. Çĕнĕлĕхĕн вăй-хăвачĕ пурах ĕнтĕ: ĕç пахалăхĕ ÿсет, вăхăт перекетленет, ĕçлекенсен ĕçĕ чылай çăмăлланать.

Çĕнĕ оборудовани вырнаçтарас тĕлĕшпе кăçал “Нива” ЯХПК-ра та тăрăшса ĕçлерĕç. Виçĕ эрне хушшинче ку енĕпе тăрăшакан специалистсем Испани çĕршывĕнче туса кăларнă оборудование вырнаçтарса çитернĕ. Акă, октябрĕн 11-мĕшĕнче Карăкçырми ĕне ферминчи дояркăсем каçхи сăвăма çĕнĕ технологи вăйĕпе йĕркелерĕç. Ăшă сĕт тÿрех пăрăх тăрăх холодильнике юхрĕ.

Кунти ферма ĕçченĕсем çĕнĕлĕх вăй илнипе питĕ кăмăллă.