Пысăк уяв

Çитес çул Республика кунĕпе пĕр килекен тĕп мероприятисем пирĕн районта иртĕç.

Ĕç тăвакан власть органĕсемпе тата муниципалитетсен ертỹçисемпе тунтикунсерен ирттерекен канашлăвне октябрĕн 28-мĕшĕнче республика Пуçлăхĕ Михаил Игнатьев хăй тин çеç алă пуснă указ (унпа тĕплĕнрех район хаçачĕн сайтĕнче паллашма май пур) çинчен пĕлтернинчен пуçланă. Сăмах Чăваш автономи облаçне туса хунăранпа 100 çул çитнине уявласси çинчен пынă.

Республика кунĕпе пĕр килекенскерпе çыхăннă тĕп мероприятисем 2020 çулта Шупашкарта тата Хĕрлĕ Чутай районĕнче иртĕç. Уявăн ташă-юрăпа кăна асра юлмалла маррине тĕпе хурса Михаил Васильевич экономика пирки манма юраманнине аса илтернĕ: паллă куна ĕçри çитĕнỹсемпе, экономикăна хывакан инвестицисене пысăклатса кĕтсе илни вырăнлă.

Чăваш Республикин Министрсен Кабинетне çитес çул Чăваш автономи облаçне туса хунăранпа 100 çул çитнине паллă тумалли мероприятисен тĕп планне пăхса тухса йышăнса хăварма тата Хĕрлĕ Чутай районне ял-саласен обществăлла инфратытăмне аталантарма Чăваш Республикин грантне пама хушнă



Районная газета "Наша жизнь"
01 ноября 2019
10:58
Поделиться