Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Пирĕн ентеш - генерал-майор

16 марта 2018 г.

Раççей Федерацийĕн Президенчĕн Владимир Путинăн 2018 çулхи февралĕн 22-мĕшĕнчи 78 № Указĕпе килĕшỹллĕн Раççей МЧС-ĕн информаци технологийĕпе çыхăну управленийĕн начальникне Сергей Витальевич Власов полковника генерал-майор пысăк звани панă.

Сергей Власов Яманкассинче çуралса ỹснĕ, вăтам шкултан вĕренсе тухсан Киеври çарпа инженерин аслă çыхăну училищинче пĕлỹ илнĕ. Унтан 1988 çулта алла диплом илсе тухсан 1993 çулччен Польшăра уйрăм батальонра службăра пулнă, çыхăну взвочĕн командирĕн тата техника чаçĕн аслă инженерĕн тивĕçĕсене пурнăçланă.

1993-1996 çулсенче Çурçĕр Кавказри çар округĕнче çыхăнăвăн уйрăм батальонĕнче службăра тăнă, техника чаçĕн аслĕ инженерĕ тата радиостанци начальникĕ пулнă.

1999 çулта Сергей Витальевич Власов Çарăн çыхăну академийĕнчен вĕренсе тухнă та 2002 çулччен Ленинградри çар округĕнче начальник çумĕнче тата штаб начальникĕнче тимленĕ. Унтан икĕ çула яхăн Новгород облаçĕнче Чрезвычайлă лару-тăрусен тата гражданла оборона ĕçĕсен тĕп управленийĕн пай начальникĕ пулнă. 2004-2013 çулсенче пирĕн ентеш Раççей МЧС-ĕн Çурçĕр Хĕвеланăçри регионти центрĕн çыхăну пайĕн начальникĕ пулнă.

2013 çултан пуçласа паянхи кунччен вăл Мускавра ĕçлесе пурăнать - Раççей МЧС-ĕн Информаци технологийĕсен тата çыхăну управленийĕн начальникĕ.

Кив Атикасси ял тăрăхĕнчен пĕлтернĕ тăрăх, Сергей Витальевич юлашки вăхăтра çуралса ỹснĕ тăрăха килсе çỹремен. Унăн ашшĕпе амăшĕ çĕре кĕнĕ, ытти пĕртăванĕсем те аякра пурăнаççĕ.

Çапах та эпир службăра палăрса генерал-майор ятне тивĕçнĕ, тăван çĕршывшăн чылай пĕлтерĕшлĕ ĕç тунă ентешпе мухтанатпăр. Чутай çĕрĕ çинче çуралса ỹссе пысăк звание тивĕçнĕ çынсем çитĕнекен ăрушăн ырă тĕслĕх пуласса чунтан шанас килет.

А.КАРПОВА.

 

Источник: "Пирěн пурнăç"

Мой МирFacebookВКонтактеTwitterLiveJournalОдноклассники

 

Информационное наполнение сайта:
сектор информационных ресурсов администрации Красночетайского района

 

           

 

 

Система управления контентом
429040, с. Красные Четаи, пл.Победы, д.1
Телефон: 8(83551) 2-16-61
Факс: 8(83551) 2-16-76
TopList Сводная статистика портала Яндекс.Метрика